বিফল সংগ্ৰাম

গৌড় চন্দ্র বৰ্মন মণ্ডল সমল কেন্দ্র সমন্বয়ক, ৰাণী শিক্ষাখণ্ড

 

হতাশাৰ সাগৰত পৰি মই
বিছাৰি পোৱা নাই
প্ৰেৰনাৰ বন্তি-গছি....
জীৱনৰ বাট উজ্বলাই
সাফল্যৰ ক্ষণ গণি
অগ্ৰসৰ হবলৈ
হেপাঁহেৰে জীয়াই থাকিবলৈ।

জীৱনৰ প্ৰতিটো খোজতে
পৰাজয়ৰ গ্লানি লৈ
পদে পদে হতাশাৰ বলি হৈ
আগুৱাই যোৱাৰ দৃহতা
হেৰুৱাই মই
দিশ হাৰা নিজান বাননিৰ,
অচিনাকি
তুচ্ছ চিকাৰী মই।

 সময়ৰ চিৰ প্ৰবাহমান সোঁতত
উটি গৈছে যথা সর্বস্ব মোৰ
প্ৰতিহত কৰিব পৰা নাই
অনন্ত সংগ্ৰাম চলাই
ব্যৰ্থ মোৰ প্ৰতিটো প্ৰয়াস
সময়ৰ খোজত
জীৱনৰ অস্তিত্ব ৰক্ষাৰ হেতু।

আজিও স্তব্ধ হোৱা নাই
জীয়াই থকাৰ প্ৰৱল সংগ্ৰাম
আজিও চালিছে চালিয়েই থাকিব ।
জীয়াই থকাৰ হেঁপাহ মোৰ
পৰিণতিৰ প্ৰৱল আশাত
গতানুগতিক আৰু পৰম্পৰাগত
চিৰস্থায়ী
জীৱনৰ বিফল সংগ্ৰাম।

---------