ঘটনা প্ৰৱাহ

কৃষ্ণ কলিতা কেন্দ্ৰ সমম্বয়ক,ৰঙিয়া ব্লক

অত্যন্ত মেধাবী ৰাহুলৰ ইঞ্জিনিয়াৰিং সম্পূৰ্ণ কৰাৰ দিনাই গাঁওখনত এক আনন্দৰ যোৱাৰ উঠিল। হয় , গুৱাহাটীত ফুলৰ বেপাৰ কৰি অত্যন্ত কষ্টৰে তাক পঢ়োৱা দেউতাক আৰু বেছি আনন্দিত হ'ল যেতিয়া যোৱা বছৰ সি দিল্লীত চাকৰি এটাও পালে। এতিয়া যেন তেওঁ অলপ সকাহ পাব।

দিল্লীত বাঢ়ি অহা কৰুনা মহামাৰীৰ পৰা বাচিবলৈ মাত্ৰ দুমাহৰ দৰমহালৈ, ৰাহুলে দুসপ্তাহ আগতেই ততাতৈয়াকৈ ফ্লাইটত আহি ঘৰ পালেহি। এসপ্তাহ পিছত সি উশাহ লোৱাত কষ্ট পোৱাত আৰু গাটো বেয়া লগাত নাৰ্ছংহোম এখনত ভৰ্তি কৰালে। হয়, ভবাতোৱেই - সি কৰ'না পজিটিভ। গোটেই গাঁওখনতে যেন শোকে ছানি ধৰিলে।

আজি পোৱাই ভাল খবৰ এটা আহিল। আজি ৰি টেষ্টত ৰাহুল ৰ নিগেটিভ আহিছে। দুই এদিনতে তাক ৰিলিজ দিব। গাঁওৰ মানুহবোৰে অলপ স্বস্তিৰ নিশাহ ল'লে। মানুহবোৰ অলপ সহজ হ'বলৈ ল'লে।

কিন্তু, গধুলী হঠাৎ অনাকাক্ষিত খবৰটো আহিল যে ৰাহুল আৰু নাই। গাঁওখনত এতিয়া নিশব্দতাৰ কোলাহল ।

( বাস্তৱ ঘটনাৰ আলমত, তীক্ষ্ণ মেধাবী ৰাহুল ৰ স্মৃতিত উৎসৰ্গিত। যোৱা ১৩ মে তাৰিখে হাজোৰ বড়গাঁ‌ৱৰ ৰাহুল দাস চিৰদিনৰ বাবে আঁ‌তৰি গ'ল )