বিপৰ্যস্ত

বিভাজনে সপোন মলঙাই
ভাগে ভাগে
এভাগে চকুলোৰে
নিজৰা বোৱাই
পথাৰ উৰ্বৰা
শস্য শ্যামলী আই
কাৰখানা মুখৰিত
এবেলা খাই
এবেলা জুহালত
নাথাকে জুই ছাঁই
আন ভাগে
আকাশে বতাহে
ৰোমাঞ্চিত
ক্ৰয় উত্তম সৰ্বস্ব
কাঢ়ি লয় মালিকিস্ব্ত্ব
গজালিৰ পাতনিতে
আপডাল চেনেহ আৰু খঙেৰাগে
গঢ়ি -পিটি তোলা
সপোনৰ জ্ঞান কক্ষ
আজি বিলুপ্তিৰ পথত
খাতি খোৱাৰ ৰথৰ চকা
ঘূৰিলে ওভলোটাকৈ
নিচপাপ নিমাখিত শিশু
ভাগ কৰাৰ নীতি
কিয় হৈছিল বাৰু?
হাত ভৰি চকু কাণ নাক মুখ
সকলোটো একেই
নাঙঠ পিঙঠ হৈ
জপিয়াই জপিয়াই
খাল পুখুৰীত গা ধোৱা
পথাৰত গৰু চৰা
বাৰীৰ আম জাম
ফৰমুটীই খোৱা
শ্বেছ ডবা খেলা
গাত বোকা পানী নলগা
সকলো একেই শিশু
আ: ভাবিলেই মন উচুপি উঠে
কৃত্ৰিমতাহীন হাঁহি
কান্দোনৰ উচুপনি
শ্ৰেণী কোঠাত
শিক্ষকলৈ নিটোল চাৱনি
কৰ্মৰ প্ৰতি একাগ্ৰতা
বাধ্য বাধকতা
জিৰণি পৰত
শিক্ষকৰ আঁৰে আঁৰে দুষ্টালি
চকু লৈ চালেই
তল মুৰ তথ মথ
সকলোৰেই একে
দুই এজন ব্যতিক্ৰমী হলেও
গুৰুৰ বাক্য
দিধাহীনভাৱে পালন
মেধা হোতাটো থাকিবই
ভুলে ভুলেই সিহঁত
সদায় শ্ৰমিকৰ সন্তান
শ্ৰমিক?
বিপৰ্যয়ৰ পৰতো
পদে পদে বঞ্চিত
বিবেকে ঢুকি নেপায়
সিহঁতক
উমলি জামলি
পখিলা খেদি কটাই
ঘৰটো নাই এনৰইড মোবাইল
অন লাইন ক্লাছ কৰিবলৈ
ভুল শুদ্ধ নে স্বাৰ্থৰ নীতিৰে
বিপৰ্যস্ত চৰকাৰী বিদ্যালয় ?
খাদ্যৰ প্ৰভাৱত
কিছু গ'ল
শিক্ষকৰ অভাৱত
আধা আধা হ'ল
কৰ'নাৰ প্ৰভাৱত সোমাব গৈ নেকি
পাহৰণিৰ গৰ্ভত ?