শিশুৰ শিক্ষাৰ লগত শিক্ষকৰ ভূমিকা

প্ৰাঞ্জল শৰ্মা, নতুন বাটা বাৰী প্ৰাথমিক বিদ্যালয় নতুন বাটা বাৰী প্ৰাথমিক বিদ্যালয়

এজন শিক্ষক হিচাবে প্ৰতিগৰাকী শিশুৰ প্ৰতি সমানে মনোযোগ অথবা দায়িত্বশীল হব লাগে।প্ৰতি গৰাকী শিশুক উৎসাহ জন্মাবলৈ সিহঁতৰ নামবোৰ শিক্ষকে জনাটো খুবেই প্ৰয়োজনীয়।তেতিয়া শিশু সকল যথেষ্ট আনন্দ লাভ কৰে।শিশু সকলৰ প্ৰতি কেতিয়াও তুলনা মূলক মনোভাৱ অথবা তুলনামূলক ভাবে কথা কৈ শিশু সকলৰ সৰল মনটোক আঘাত দিব নালাগে।শিশু সকলৰ যিহেতু অনুকৰণ প্ৰিয় সেয়েহে শিক্ষকে যি কৰে তেওঁলোকে তাকেই অনুসৰণ কৰিব।খেল ধেমালি শিশুসকলৰ অতিশয় প্ৰিয়।খেলৰ জৰিয়তে শিশুৱে নিজৰ অনুভূতি প্ৰকাশ কৰে সেয়েহে শিশুক খেলৰ প্ৰতি আকৰ্ষিত কৰাটো শিক্ষকৰ কৰ্তব্য।শিশু এটাক কাগজৰ বল বনাব দি আৰু ক্ৰেয় নেৰে ৰং বোলাব দিলে পেশী সমূহৰ বিকাশ হোৱাৰ লগতে পেঞ্চিল আদি ধৰাত সুবিধা হয়।প্ৰকৃত শিক্ষা পাবলৈ শিশুৱে পৰ্য্যবেক্ষণ কৰিব জানিব লাগিব যাৰ কাৰণে শিক্ষক সকলে সাধু কথা , অংগি ভংগীৰে কবিতা আবৃত্তি আদি বিষয়ত গুৰুত্ব প্ৰদান কৰিব লাগিব।এনে ক্ৰিয়াই শিশুৰ সৰ্বাংগীন বিকাশ ঘটায় ,আনহাতেদি শিক্ষক আৰু শিশুৰ মাজত এক মধুময় সম্পৰ্ক গঢ়ি উঠাত সহায় হয়।